Alumni komunitatea

Gizartearekiko lotura

Transforming our world together. Mundua aldatzen duten pertsonak Plan Estrategikorako Deustuko Unibertsitateak aukeratu duen lema da. Lanildoen artean, konpromisoa erakutsi eta Unibertsitatearen eta bertako alumnien arteko elkar laguntzako aukera ugariak sendotzea dago.

Unibertsitatearentzat, ikasle ohiekin lotura mantentzea balio ikaragarria da, unibertsitatearengandik gero eta gehiago izatea espero dutela adierazten baitu. Kalitatearen jarraipeneko programak, lanbidean garatzeko eta networking-eko jarduerak prestatzen dira, sare globaleko kideen arteko lotura errazteko eta lotura hori are eta estuagoa izan dadin. Bitartean, alumniek gero eta toki gehiago dute unibertsitateetan eta unibertsitatearen enbaxadore gisa jokatzen dute, dauden lekuan daudela.

Gure alumnien enplegagarritasuna indartu

Lana bilatzen eta lanbideko orientazioan laguntzea alumniek askotan eskatzen dituzten zerbitzuak dira. Lanbideko Karreren Zerbitzutik, langileak biltzeko aukera gehiago eta hobeak jartzen dizkizugu eskura, gero eta denbora gehiago eskaintzen diogu zure orientazio pertsonal eta espezializatuari eta enpresa laguntzaileen beharrizanak eta eskaerak hurbiletik artatzen ditugu.

Ikasle ohi bakoitzaren beharrizanetara egokitzen saiatzen gara. Deusto Alumniko zuzendari Jesús Riañok, adierazten duenez.

Azken urteotan, unibertsitateak loturak sortu ditu enplegua bilatzea errazteko. Horri dagokionez, Naiara Tobalinak, Deusto Business Alumniko zuzendari nagusiak, hau adierazi du:

Jarraipeneko programak

Pandemia globalak eragin duen krisiak indartu egin du etorkizuneko enpleguaren inguruko ziurgabetasuna. Iraultza teknologikoa, plataformak, globalizazioa eta automatizazioa aldatzen ari dira eskatzen diren lanbideko gaitasunak eta trebetasunen zaharkitze arina planteatzen dute. Hortaz, beharrezkoa da egokitzea alde guztietatik. Enpresek langileen prestakuntzan nahikoa inbertsio egiteaz gain, baldintza egokienetan eman behar da prestakuntza hori, eraginkorra izan dadin; langileek, beren aldetik, haien gaitasunak egokitzen eta etengabeko prestakuntzan lan egin beharko dute, lanpostuetako beharrizan berriei aurre egin ahal izateko.

Prestakuntzako jarduerak jartzen ditugu haien eskura, haien lanbideko hazkuntzan pentsatuta. Hitzaldiak, saioak, mintegiak, etab. adituek ematen dituzte, egunean mantentzeko egungo gaietan eta interes orokorretan

Deustuko Unibertsitateak ikasle ohiei etapa horretan ere lagundu nahi die. Prestakuntza eskaini nahi diegu, aurrez aurre edo online, gizartearen eta enpresen etengabeko aldaketetara egokitzeko ikuspegi profesionaletik.

Jarduerak eta Networking-a

Alumni komunitatea esparru ona da gizarte eta lanbideko harremanak zabaltzeko. Milaka dira, adin eta jatorri guztietako pertsonak, interes berdina dutenak eta bost kontinenteetan barreiaturik daudenak. Denok dugu batzen gaituen elementu bat: Deustuko Unibertsitatea.

Halaxe dio David Fernández de Retanak, Ordezkaritzako Lehendakaria:

Alumni enbaxadoreak

Alumniek enpresetan duten ospea, ikasleak enpresetan hasi daitezen errazteko sinatzen diren lankidetza hitzarmenak, enplegu emaileen eta ikasleen arteko loturak eta tituludunek lanbideko karreran izan duten garapen eta arrakasta dira unibertsitateei ospea ematen dieten adierazleetariko batzuk eta etorkizuneko ikasleek kontuan hartzen dituztenak non prestatu erabakitzeko orduan.