Laneko inklusioa, gizarte bezala hazteko aukera

Jakingo duzuenez, BBKn Bizkaiko garapen ekonomiko jasangarriaren alde egiten dugu. Lurraldearen hazkundea eta oparotasuna sustatzen ditugu, ingurumen eta gizarte erronkak jorratzen dituzten eragin positboko proiektuak babestuz. Konpromiso hori gizarte igualitario baten eraikuntzara zabaltzen dugu, non pertsona orok aukera adierazgarrietarako sarbidea izango duen.

Enplegua eta ekintzailetza aurrerapenerako giltza diren testuinguruan, ardura hartu hartu behar dugu engranajeak ibiltzen jarraitzeko, eta horretarako behar-beharrezkoa da gure gizartea osatzen duten pertsona guztientzako lan aukera errealak egotea. Marko egokia egotea, non inklusio edo aniztasun bezalako terminoak gure hiztegietan bertakotuta dauden.

Gizartean sentikortasun sozial handia dago, hala ere, zenbait kolektibok oztopoak topatzen jarraitzen du lan-munduan integratzeko orduan. Gogoan izan behar dugu pertsona horiek funtsezkoak direla gure ehun sozial eta ekonomikoan eta Bizkaiarentzat nahi dugun etorkizunean. Ez gara karitate politikaz eta keinu sinbolikoez ari, lan-mundu arrunteko integrazio errealaz ari gara. Begirada errukibera atzean uzteko eta norbanako bakoitzaren balioa bere horretan aitortzeko garaia da, auzokide bat bizkaitar bat dela aintzat hartzeko.

Lankide bihur daitezen behar dugu, gure enpresetako eta erakundeetako langile. Inklusioa ez da lan-eremuko eskubidea soilik, kohesio sozialerako eta garapen ekonomikorako faktore giltzarria ere bada.

INEren datuen arabera, 2023an, ofizialki errekonozitutako 16 eta 64 urte bitarteko desgaituen artean, laboralki aktibo zeuden pertsonen kopurua %35,5 zen, desgaitasunik gabeko pertsonen %78,5aren jarduera-tasaren aldean. 43 puntuko desberdintasun nabarmenaz ari gara.

Baina datu positibo bat ere topatu dugu; izan ere, Euskadik, Estatuko erkidegoen zerrendan desgaituen jarduera-tasarik handiena du. 2023an %45,7 izan zen; hala ere, gure erkidegoan oraindik desgaitasunik gabeko pertsonen jarduerarekiko 30 puntura dago.

Gure kasuan, BBK Enplegu Inklusibo ekimenaren bitartez, bi urtetan 42 desgaituren eta gaixotasun mentaldunen kontratazioa erraztu dugu 27 enpresatan.
Zalantzarik gabe, aurrerapauso handia da, guztion artean inklusio eta aniztasun arloan abiatzen ari garen ekimenen emaitza. Baina izan gaitezen errealista, bide luzea dago oraindik ibiltzeko.

Pertsona desgaituez ari gara, baina baztertze-arriskuan dauden eta gizartean euren lekua behar duten beste zenbait kolektiboz ere bai. Ingurune laboral duin batera iristeko aukera behar dute, horrela euren bizitza-proiektua era burujabean garatu ahal izateko. BBKn gure ekarpena egin dugu, ekimen desberdinak gauzatuz eta agente eta entitate desberdinekin elkarlanean jardunez, gizartean, enpresetan eta euren familietan integrazio laborala normalizatzeko. Ekintza bakoitza garrantzitsua delako. Estereotipoak gainditzea, elkarrizketa irekia sustatzea eta lan-eremu inklusiboak eraikitzea ez da utopia, elkarrekin lor dezakegun errealitatea baizik.

Enpresentzat, aniztasuna eta lan-inklusioa ez dira soilik konpromiso etikoa, abantaila lehiakorra ere badira. Badakigu erakunde inklusiboa izateak aukera ematen digula talentuaren %100era iristeko, kultura korporatiboa hobetzen duela, plantillaren enpatia eta erantzukizuna handitzen dituela, eta enpresaren izenona indartzen duela. McKinsey & Companyren txosten batek egiaztatu du erakunde inklusibo eta aniztunek %33ko probabilitate handiagoa dutela euren sektoreko beste erakundeek baino etekin handiagoa lortzeko.

Gainera, legeak dio 50 langile baino gehiago dituzten enpresek lanpostuen %2 desgaituentzat gorde behar dutela. Horrek, kontratatze-hobariekin batera, enpresentzako mozkin nabarmenak dakartza.

Baina zifrez eta sariez harago, uste dugu benetako saria jarduera hauek gizartean duten inpaktu positiboan dagoela, inguru zuzen eta ekitatibo baten alde egiten duten ekarpenean.

Orainaldian jarri behar dugu arreta, begirada aurrera botatzeko eta topatuko ditugun egoera berriak aztertzeko eta konpontzeko.

Deloitteren ikerketa batek aurreratu du 2025ean millennials deiturikoek lan-indarraren %75 hartu dutela jada. Eta belaunaldi horrek lanbidea aukeratzeko orduan inklusioa eta aniztasuna bezalako faktoreak benetan kontuan hartzen ditu. Ez da itxurakeria, %40k uko egiten dio parekotasunaren alde egiten ez duten edo euren langileen ongizateari min ematen dioten enpresetan lan egiteari. 10 urte barru Z Belaunaldiak ordeztuko omen ditu. Gaur egun jada lan-indarraren ia herena dira, eta eremu inklusibo eta aniztunagoak are gehiago eskatzen dituzte. Ez da moda kontua, gaurko eta biharko lan-munduaren argazkia dugu pare-parean.

Egia da, gure gizartea gero eta kontzientziadunagoa da aniztasunarekiko, baina oraindik asko dago egiteko. Norabide horretan lan egiten jarraitu nahi dugu, BBKrentzat hain berezia den urte honetan ere, Banku-fundazio bezala 10 urte bete ditugu eta. 10 urte erabaki zail bat hartu genuela, baina erabaki zuzena izan zen; izan ere, inklusioa eta aniztasuna gure lan-munduaren parte izateko baliabideak garatzen jarraitzea ahalbidetzen digu, horrela Bizkaiko gizarteko gaurko eta biharko beharrei erantzuna emateko.